AGADIC

Centro Dramático Galego


Novas

ÁLVARO GUEVARA, GEMA ULLOA, CARMEN BLANCO E NACHO MARTÍN PROTAGONIZAN ESTE ESPECTÁCULO DIRIXIDO A RAPACES ENTRE 3 E 10 ANOS

A compañía coruñesa Teatro del Andamio abre mañá a carteleira da Mostra Infantil de Nadal coa montaxe "Area e Auga"

Documento anexo[25/12/2011] O Salón Teatro de Santiago acolle desde mañá luns 26 e ata o venres 30 de decembro a Mostra de Teatro Infantil de Nadal, no marco da que se exhibirán cinco espectáculos escénicos especialmente dirixidos ao público máis novo. Organizado polo Centro Dramático Galego (CDG), o festival comezará ás 19.00 horas da man da compañía coruñesa Teatro del Andamio, que porá en escena a montaxe Area e Auga, obra galardoada co Premio Fetén 2008 á mellor dramaturxia.


ORGANIZADA POLO CENTRO DRAMÁTICO GALEGO, DESENVÓLVESE DO 26 AO 30 DE DECEMBRO

Cinco compañías galegas protagonizan o peche da programación anual do Salón Teatro coa Mostra de Teatro Infantil de Nadal

Documento anexo[23/12/2011] O Salón Teatro de Santiago despide a súa programación de 2011 cunha nova edición da Mostra de Teatro Infantil de Nadal, que ofrecerá do 26 ao 30 de decembro cinco espectáculos de teatro de actor, clown e monicreques, especialmente pensados para os espectadores máis pequenos. Organizada polo Centro Dramático Galego (CDG) desde o ano 2000 e sempre nas mesmas datas, nesta undécima edición participan os grupos galegos Teatro del Andamio, coa montaxe Area e Auga; Artello Teatro alla Scala 1:5, con Cinderela Mix; Teatro do Morcego, con O Gato Manchado e a Andoriña Siñá; Fantoches Baj, con Fábula Galénica; e Teatro do Noroeste, con Piratas.
A AGADIC PATROCINA ESTE GALARDÓN, QUE TEN UNHA DOTACIÓN DE 6.000 EUROS PARA DÚAS MODALIDADES

CDG e Radio Galega organizan a sexta edición do Premio "Diario Cultural" de Teatro Radiofónico

Documento anexo[19/12/2011] O Centro Dramático Galego (CDG) e a Radio Galega puxeron en marcha a sexta edición do Premio "Diario Cultural" de Teatro Radiofónico coa apertura ata o próximo 15 de xaneiro de 2012 do prazo de recepción de orixinais. O galardón, que conta co patrocinio da Agadic (Axencia Galega das Industrias Culturais) da Consellería de Cultura e Turismo, continúa así a súa traxectoria a prol da recuperación do formato de teatro radiofónico desde unha perspectiva actual.
AS ENTRADAS PARA AS DÚAS REPRESENTACIÓNS SON DE BALDE, PREVIO PASO POLO DESPACHO DE BILLETES

O teatro universitario ocupa o Salón Teatro coas últimas montaxes dos Sigillatos Galaicos e da Aula de Teatro da USC

Documento anexo[16/12/2011] As compañías de teatro universitario Os Sigillatos Galaicos e a Aula de Teatro da Universidade de Santiago de Compostela (USC) ocupan o Salón Teatro este luns día 19 e o martes 20, respectivamente, para presentar as súas novas propostas escénicas. As entradas para asistir a estas dúas representacións son de balde, previo paso polo despacho de billetes, que permanecerá aberto desde dúas horas antes do comezo de cada función. Poderán retirarse ata dúas localidades por persoa.


REALIZADA EN COPRODUCIÓN CO CENTRO DRAMÁTICO DE ARAGÓN, ACADOU O PREMIO MAX 2010 AO MELLOR ESPECTÁCULO DE TEATRO MUSICAL

A compañía aragonesa El Gato Negro ofrece no Salón Teatro dúas funcións da montaxe "Cabaré de caricia y puntapié"

Documento anexo[14/12/2011] O Salón Teatro de Santiago acolle mañá xoves 15 e o venres 16 ás 20.30 horas a posta en escena de Cabaré de caricia y puntapié, unha montaxe da compañía El Gato Negro en coprodución co Centro Dramático de Aragón (CDA), que poderá verse no espazo escénico que xestiona o Centro Dramático Galego (CDG) dentro dun acordo de colaboración que manteñen as dúas compañías públicas. Dirixido por Alberto Castrillo-Ferrer e interpretado por Carmen Barrantes e Jorge Usón, a obra chega a Galicia tras a súa representación en diversas cidades españolas, así como en Bos Aires, e despois de acadar en 2010 o Premio Max ao mellor espectáculo de teatro musical.

Anteriores | 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 | 46 | 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 | Seguintes


AGADIC Marca gráfica da Xunta de Galicia

Accesibilidade | Aviso legal