Centro de Creación Dramática
Somos conscientes da importancia do espazo que ocupamos, espazo de creación, espacio xerador de ideas, e por qué non, de tendencias. É por iso polo que cremos imprescindible o apoio á investigación e á formación nas artes escénicas.
Nesta temporada 2006-7 o Centro Dramático Galego conta cun espazo no Salón Teatro para o Centro de Creación Dramática Contemporánea, unha sala no segundo andar equipada cunha pequena biblioteca teatral, wi-fi, equipo de proxección e vídeo.
O
CDC nace para prestar apoio aos creadores/as na súa exploración de novas linguaxes dramáticas tanto textuais coma xestuais. É, ademais, un espazo predisposto a abrir camiños na creación dramática, que nos leven a contactar con outras disciplinas artísticas para promover un diálogo interdisciplinar, necesario para a renovación escénica.
Entre os obxectivos do Centro de Creación Dramática Contemporánea están:
- O fomento do intercambio de coñecementos e a apertura dos nosos creadores e creadoras a outras experiencias escénicas, no ámbito nacional e internacional
- O apoio a proxectos de investigación en novas linguaxes escénicas
- O achegamento a outras disciplinas artísticas que hoxe en día comezan a estar ligadas ás artes escénicas
Nunha primeira fase estamos a impulsar a literatura dramática escrita en Galicia coa creación dun Seminario Permanente.
